Aizawl, the 12th January 2023: A hnuaia tarlan ang hian Mizoram Scholarship Board office chuan Scholarship chungchangah hriattirna a siam.

Sawrkar laipuiin a ruahman leh ti tura hriattir kan nih angin, zirlaite Scholarship application verify-tu Head of Institute leh Institute Nodal Officer ten Biometric Authentication January 15, 2024, ral hma ngeia tih vek tur a ni e. Mahni District DEO office ah ngaihven tur a ni ang. Aizawl District tan erawh, Mizoram Scholarship Board office ah ngaihven tur a ni ang. Biometric Authentication ti lo zirna inte chu an zirlaite Scholarship an verify thei tawh dawn loh avangin, class IX chin chunglam nei, zirna in ten ngaipawimawh tur a ni.

Tribal Scholarship dilna chu Mizoram Scholarship Board Portal hmang tawh lovin National Scholarship Portal ah dil tawh tur a ni a, Scholarship dilna hard copy pawh mahni Zirna In (School/College/Institution) ah theuh thehluh tawh tur a ni. School/College/Institution lamin online in an lo verify zel tur a ni a, Verified loh scholarship application a awm a nih chuan Scholarship an dawng thei dawn lo a ni. Hemi chungchanga hriatfiah duh emaw harsatna nei chuan  Mizoram Scholarship Board office ah office hun chhungin zawh fiah theih a ni ang.